O C.F. Vista Alegre non foi quen de reter o Trofeo "BARRIO DE VISTA ALEGRE"
Cuti controla o balón ante un contrario.
O pasado domingo, 29 de agosto, tivo lugar no campo municipal de Santa Isabel a segunda edición do Trofeo “Barrio de Vista Alegre”, que organiza o club azulgrá como partido previo ao inicio da liga. Desta volta, o equipo visitante foi outro recentemente ascendido á segunda división autonómica, o Val do Ulla UD.
Ambos os dous equipos se presentaron reforzados e aproveitaron a ocasión para realizar os ensaios que estimaron pertinentes. Velaí que tanto o Val do Ulla coma o Vista introduciran cambios para probar a todos os xogadores, e tamén probasen distintas posicións tácticas. Xa que logo, dicir que a primeira parte foi de dominio vistaalegrista e que na segunda metade viraron as tornas ten pouca relevancia á hora de facerse unha composición de lugar.
Ao final, o Val do Ulla fixo valer o gol que marcou nos últimos 45 minutos, o cal lle permitiu proclamarse vencedor do Trofeo.
Entrega de premios pola Presidenta do C.F. Vista Alegre
Comeza A Liga 2010/2011
2ª División Autonómica, grupo 5
O próximo domingo, 5 de setembro, o CF Vista Alegre inicia a súa andaina na 2º división autonómica, encadrado no grupo 5º. O seu primeiro rival será o Sigüeiro, que xogará como local. De seguro que a afección continuará a brindar o seu apoio ao equipo do barrio coma sempre ten feito. Esperemos que nesta nova etapa o Vista teña a mesma fortuna que na súa primeira tempada de existencia.
